驚....鬼

適逢"哈囉喂", 我唔係想同大家講個鬼故, 而係想同大家講吓我嘅感受, 雖然, 我冇陰陽眼之類會遇到嗰啲嘢, 不過, 個感覺實在驚到唔知點講......


一個月前到嘅半夜時份, 有個患有抑鬱症嘅婦人從高處住所墮下, 結果大家知啦!不過, 咁啱喱位婦人嘅住所正正就喺我廚房窗口望到對上嗰間, 好彩嘅就係佢跳嗰陣我喺入面屋睇唔到, 如果唔係我會驚到傻咗!! 不過, 我嗰晚都覺得奇怪, 點解樓上有個男人講嘢咁大聲呢, 原來係啲差人, 之後第二朝搭lift返工, 聽到啲師奶講, 我先至知咋!!當堂打咗個"突"~~

之後嗰個禮拜我每晚都瞓得唔好, 瞓得唔冧, 唉, 點算好呢??而且, 加上我每 到廚房整嘢嘅時候, 心裡面總有啲驚同不安, 講唔出點不安點驚, 總之就唔想留咁耐廚房同我會開哂啲燈我先安樂啲!!尤其係熄哂燈嘅廚房, 個感覺就特別驚!


後來我求咗個泰佛戴住, 個感覺就冇咁驚, 不過, 過咗幾日, 個感覺又返番嚟, 我起身都係要開哂啲廁所同廚房燈先OK咋! 跟住我又去多次間泰佛店同佢講番個情形, 佢就叫我擺一道符, 後尾真係好啲喇!佢話係我心理因素多啲......